Vika 27/2010
Endurræsa þurfti Svarboxserverinn kl. 15.22 i dag vegna tæknilegra örðugleika. Þeir notendur, sem voru innskráðir á þessum tíma, fengu tilkynningu upp á skjáinn hjá sér um að forritið myndi hætta og þurftu að skrá sig inn að nýju. Endurræsingin heppnaðist vel og Svarboxið gengur eins og vel smurð vél að nýju.
Vika 16/2010
Flutningar Internets á Íslandi hf. í nýjan kerfissal í Höfðatorgi undanfarið hafa gengið vel. Sérstaklega tókst flutningur véla Modernus fyrir hálfum mánuði með ágætum. Sl. fimmtudag kom hins vegar í ljós að rafvirki ISNIC hafði gert alvarleg mistök við tengingu á varaaflgjöfum (UPS) í nýja kerfissalnum. Mistökin, sem ekki uppgötvuðust nema við raunverulegt álag, fólust í því að tengja skáparafmagn við 10A innstungu, í stað 16A, í UPS, sem aftur varð til þess að vararafhlaðan fyrir skápinn sem verið var að fylla sló út þegar vélum í viðkomandi skáp var fjölgað í síðari lotu flutninganna. Útslátturinn á rafmagninu olli skemmdum á viðkvæmum hugbúnaðarstillingum í vinnslugrunni Modernus, sem nú hefur tekið heila viku að lagfæra, með tilheyrandi seinkun á afhendingu gagna og óþægindum fyrir viðskiptamenn. Svo til á sama tíma og þetta gerist kemur mila.is með geysivinsælar vefmyndavélar gossins á Eyjafjallajökli í mælingu. Það bætti í orðsins fyllstu merkingu gráu ofan á svart, svo notuð séu orð við hæfi. Nú, um kl. 19 á sumardaginn fyrsta, er von okkar að tekist hafi að leysa vandann sem rafmagnsbilunin (sem var af mannavöldum) olli.
Vika 15/2010
Bilun varð í rafkerfi í vélasal Modernus í kvöld sem gerði það að verkum að allar vélar Modernus duttu út.
Verið er að taka í notkun nýjan vélasal Internet á Íslandi og var verið að flytja vélar af gamla staðnum í Tæknigarði niður í Höfðatorg þegar öryggi í varaaflgjafa sló út og gerði það að verkum að álag jókst á hinn varaaflgjafann sem þá sló út líka. Á meðan verið var að leita að rót vandans flöktu vélarnar inn og út en á endanum tókst að finna rót vandans og lagfæra.
Allt í allt var teljarinn, Svarboxið og Varðhundurinn úti í ca. 15 mínútur vegna þessa.
Vika 47/2009
Villa kom upp í vinnslukerfi Modernus sem gerði það að verkum að allir teljarar sýndu of fáar flettingar fyrir tímabilið 09-10 í dag. Unnið er að því að bakreikna tölurnar og verður því að öllum líkindum lokið fyrir hádegi í dag.
Vika 45/2009
Villa kom upp í vinnslu gagna í viku 44 sem gerði það að verkum að landagreining á notendum var röng fyrir daganna 29. október - 1. nóvember.
Í ljósi þess var tekin ákvörðun um að fjarlægja tölur um Innlent hlutfall af lista Samræmdar vefmælingar fyrir vikuna þar sem þær áttu ekki við rök að styðjast.
Vika 17/2009
Svarbox þjónninn var tekinn niður í dag svo hægt væri að sinna viðhaldi á þjóninum. Gera má ráð fyrir sambandsleysi á meðan.
Vika 16/2009
Í dag var uppfært firmware í gagnagrunnsvél Modernus sem hýsir teljaragögnin. Til þess þurfti að endurræsa vélina og voru því teljaragögnin ekki aðgengileg í þær mínútúr sem vélin var niðri.
Vika 13/2009
Í dag um hádegisbilið varð vefþjónn Modernus óstarfhæfur vegna álags. Þrjár ákveðnar ip tölur mynduðu flóð af beiðnum á vefþjóninn sem var óstarfhæfur í ca. 30 mín. vegna þessa.
Vika 12/2009
Í dag kl. 17:13 hætti einn af gagnagrunnum Modernus að svara sem gerði það að verkum að truflanir komu fram í Svarbox forritinu og í vefkerfinu á http://login.modernus.is. Þegar gagnagrunnurinn var svo endurræstur var nauðsynlegt að endurræsa Svarbox serverinn sem gerði það að verkum að öll samtöl sem voru í gangi slitnuðu.
Vika 12/2009
Nýr modernus.is opnaði í dag. Vefinn hannaði Flemming Kaj Larsen og um forritun sá Einar Bjarni Halldórsson tölvunarfr. og kerfisstjóri Modernus. - jpj.