Modernus

Uppfærsla á svarboxkerfinu

Tilkynning til Svarboxnotenda: Aðalsvarboxserverinn verður tekinn niður í stutta stund um kl. 17:50 síðdegis vegna uppfærslu. Þegar fulltrúar ræsa Svarboxforritið næst, nær hugbúnaðurinn sjálfkrafa í nýja útgáfu án þess að notendur þurfi nokkuð að kunna eða aðhafast.

Tags og textaleit. Nýungarnar sem koma inn að þessu sinni voru sérstaklega skrifaðar að beiðni RSK, en nýtast öllum öðrum fyrirtækjum og stofnunum sem nota Svarboxkerfið jafn vel. Nýungin felst í því að hægt verður að hengja eitt eða fleiri "merki" (e. tag) á samtölin á meðan þau eru í gangi, eða síðar. Merkið er síðan notað til að leita að samtölum sem innihalda það. Merkin búa notendur til sjálfir en þau ættu að vera lýsandi fyrir megininnihald samtala s.s. "VSK", "Nissan verkstæði", "atvinnuleysisbætur" svo nærtæki dæmi séu tekin. Merkjum (þ.e.a.s "tags") er ætlað að auðvelda og flýta eftirvinnslu og flokkun mála.

Einnig hefur verið bætt við öflugri textaleit, sem ásamt fyrri leitarmöguleikum, s.s. að leita eftir nafni spyrjanda eða þjónustufulltrúa, og nýju merkimiðunum gera leit í eldri samtölum að barnaleik.

Ofangreint er afrakstur sumarsins, sem var vel notað - þrátt fyrir hitann! 

Flashborðamæling

Nýjasti liðurinn í vefmælingu Modernus er nefndur "Auglýsingamæling". Það er þröng skilgreining því að sjálfsögðu má nota má hugbúnaðinn til að mæla hvers kyns efni sem birt er með Flash. Þannig ættu fyrirtæki og stofnanir að ekki eingöngu að mæla virkni netauglýsinga sem birtar eru hjá þriðja aðila, heldur og ekki síður að mæla virkni og árangur á eigin efni sem birt er á eigin vef.

Modernus mun á næstunni halda sérstakt námskeið fyrir notendur í notkun vefmælingarinnar með sérstakri áherslu á auglýsingamælinguna. Námskeiðið verður haldið í ISNIC-salnum á 17. hæðinni í nýja skrifstofuturninum við Borgartún. Nánar auglýst hér á vefnum og með tölvupósti til valinkunnra notenda.

Námskeið í markaðssetningu á Netinu

Náðu árangri á Internetinu

Hjörtur Smárason, einn reyndasti og besti ráðgjafinn á sviði markaðssetningar á Netinu, heldur fyrirlestur í ISNIC-salnum 2.-3. september.

Í tilkynningu frá Hirti segir: "Með yfir 190.000 Íslendinga á Facebook, og tilkomu annarra netmila eins og Twitter, youtube og Google.is, hefur markaðsumhverfi fyrirtækja gjörbreyst. Á námskeiðinu læra þátttakendur að nýta sér tækifærin sem Internetið býður upp á, en forðast um leið hætturnar sem þar leynast."

Modernus mælir með þessu námskeiði.

ISNIC-salurinn er í húsnæði Internets á Íslandi hf. á 17. hæðinni í nýja skrifstofuturninum við Borgartún í Reykjavík. Hann stendur fyrirlesurum, ráðgjöfum og öðrum sem bjóða upp á "internet-tengt" kennsluefni til boða gegn vægu gjaldi, sérstaklega ef námskeiðin aðstoða fólk og fyrirtæki við skráningu á lénum og hjálpa því að koma sér á framfæri á Netinu.

Auglýsingamælingin komin í gang

Hin nýja auglýsingamæling Modernus er komin í gagnið og fer vel af stað. Þótt frekari þróunar sé enn að vænta má nú þegar með einföldum og nákvæmum hætti greina þrennt. Í fyrsta lagi hve oft ákveðin auglýsing hefur birst, og á hvaða miðlum. Í öðru lagi hve oft smellt hefur verið á viðkomandi auglýsingu, og af hve mörgum mismunandi notendum. Í þriðja lagi hve margir af þeim notendum enduðu á því að versla eða framkvæma ákveðna athöfn á síðu auglýsandans - þ.e. áþreifanlegan árangur auglýsingarinnar.

Auglýsingamælingin er innifalin í almennu vefmælingunni og verður það án sérstaks aukagjalds fram að áramótum. Því er nóg að sækja um almenna vefmælingu í gegnum umsóknarformið hér efst á síðunni til að öðlast aðgang að auglýsingamælingunni.

Þegar fram í sækir er það stefna Modernus að rukka aðeins fyrir aðgang að auglýsingamælingunni og Samræmdri vefmælingu, en bjóða öllum innlendum aðilum grunnvefmæliþjónustu án endurgjalds.

Hugbúnaðarprófun - því fleiri, þeim mun betra

Modernus hvetur alla notendur til að hjálpa okkur við að prófa nýja auglýsingateljarann með því að smella á auglýsingaborða Modernus á leit.is, leita.is og hér fyrir neðan - og smella síðan á liðinn "umsóknarform" efst á þessari síðu (í þessari röð).

Kerfið mælir ekki einungis hve oft netauglýsingar birtast og hve oft er smellt á þær, heldur einnig hversu margir stakir notendur gera það og hvort þeir í framhaldi af því gerðu það sem auglýsandinn kýs (t.d. kaupi, sæki um eða bóki hótel). Þannig mælir nýi auglýsingateljarinn líka beinan árangur af netauglýsingum.

Því fleiri sem taka þátt í hugbúnaðarprófi sem þessu þeim mun betra. Ómögulegt er að gera prófanir sem þessar nema í samstarfi við fjölda fólks sem hefur aðgang að enn fleiri tölvum. Flestir velunnarar Modernus fengu í þessu augnamiði sent SMS í dag.

Með fyrirfram þökk fyrir þátttökuna,

Modernus :)